Bulandh Awaaz

Headlines
ਸਰਹੱਦੀ ਖੇਤਰ ਦੇ ਕਿਸਾਨਾਂ ਵਲੋਂ ਕੱਢਿਆ ਗਿਆ ਵਿਸ਼ਾਲ ਟਰੈਕਟਰ ਮਾਰਚ ਦਿੱਲੀ ਪੁਲਸ ਵੱਲੋਂ ਕਿਸਾਨ ਪਰੇਡ ਰੋਕਣ ਦੇ ਐਲਾਨ ਮਗਰੋਂ 26 ਜਨਵਰੀ ਨੂੰ ਟਕਰਾਅ ਦੀ ਸਥਿਤੀ ਬਣੀ ਨਵੇਂ ਅਮਰੀਕੀ ਰਾਸ਼ਟਰਪਤੀ ਲਈ ਚੁਣੌਤੀਆਂ ਭਰਪੂਰ ਹੋਵੇਗਾ ਕਾਰਜਕਾਲ ਕਿਸਾਨੀ ਸੰਘਰਸ਼: ‘ਸ਼ਬਦਾਂ’ ਦਾ ਬਿਰਤਾਂਤ ਵੀ ਤੋੜਿਆ ਜਾਵੇ ਟੀਕਾਕਰਣ ਦੇ ਦੂਜੇ ਪੜਾਅ ਵਿਚ ਮੋਦੀ ਲਗਵਾਉਣਗੇ ਕੋਰੋਨਾ ਵੈਕਸੀਨ, ਸਾਰੇ ਮੁੱਖ ਮੰਤਰੀਆਂ ਨੁੂੰ ਵੀ ਲੱਗੇਗਾ ਟੀਕਾ ਜੋਇ ਬਾਇਡਨ ਨੇ ਅਮਰੀਕਾ ਦੇ 46ਵੇਂ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕੀ; ਟਰੰਪ ਨੇ ਵਾਈਟ ਹਾਊਸ ਤੋਂ ਭਰੀ ਆਖਰੀ ਉਡਾਨ ਵਿਵਾਦਗ੍ਰਸਤ ਰੇਡੀਓ ਹੋਸਟ ਹਰਨੇਕ ਸਿੰਘ ਨੇਕੀ ‘ਤੇ ਹਮਲਾ ਕਰਨ ਦੇ ਦੋਸ਼ ‘ਚ 5 ਗ੍ਰਿਫਤਾਰ ਜਲ੍ਹਿਆਂ ਵਾਲਾ ਬਾਗ ਦੀ 100 ਸਾਲਾ ਵਰ੍ਹੇਗੰਢ ਨੂੰ ਸਮਰਪਿਤ ਯਾਦਗਾਰ ਬਣੇਗੀ ਅੰਮ੍ਰਿਤਸਰ ਵਿਚਮੁੱਖ ਮੰਤਰੀ 25 ਜਨਵਰੀ ਨੂੰ ਰੱਖਣਗੇ ਨੀਂਹ ਪੱਥਰ ਸੰਤ ਗਿਆਨੀ ਹਰਨਾਮ ਸਿੰਘ ਖ਼ਾਲਸਾ ਨੇ ਤਖ਼ਤ ਸ੍ਰੀ ਹਰਿਮੰਦਰ ਜੀ ਸ੍ਰੀ ਪਟਨਾ ਸਾਹਿਬ ਬਿਹਾਰ ਵਿਖੇ ਪ੍ਰਕਾਸ਼ ਗੁਰਪੁਰਬ ਮੌਕੇ ਗੁਰੂ ਦਸਮੇਸ਼ ਪਿਤਾ ਦੇ ਅਵਤਾਰ ਸੰਬੰਧੀ ਕਥਾ ਸਰਵਣ ਕਰਾਉਂਦਿਆਂ ਸੰਗਤਾਂ ਨੂੰ ਨਿਹਾਲ ਕੀਤਾ।ਦੁਨੀਆ ’ਚ ਦਸਮੇਸ਼ ਪਿਤਾ ਦਾ ਕੋਈ ਸਾਨੀ ਨਹੀਂ : ਸੰਤ ਗਿਆਨੀ ਹਰਨਾਮ ਸਿੰਘ ਖ਼ਾਲਸਾ। ਸਰਕਾਰ ਨੇ ਖੇਤੀ ਕਾਨੂੰਨ ‘ਤੇ ਦੋ ਸਾਲ ਤੱਕ ਪਾਬੰਦੀ ਲਗਾਉਣ ਦੀ ਦਿੱਤੀ ਪੇਸ਼ਕਸ਼, ਇਸ ਮੀਟਿੰਗ ‘ਚ ਵੀ ਅੜੇ ਰਹੇ ਕਿਸਾਨ 

ਸ੍ਰੀ ਹਰਗੋਬਿੰਪੁਰ ਵਿਖੇ ਸ਼ਾਹੀ ਮਹੱਲ ਤੋਂ ਮਲਬੇ ਵਿੱਚ ਬਦਲੀ ਕੌਮ ਦੀ ਵਿਰਾਸਤ- ਇੰਦਰਜੀਤ ਸਿੰਘ ਹਰਪੁਰਾ

ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦਾ ਨਾਮ ਇਤਿਹਾਸ ਵਿੱਚ ਸੁਨਿਹਰੀ ਅੱਖਰਾਂ ਵਿੱਚ ਹਮੇਸ਼ਾਂ ਲਈ ਅੰਕਿਤ ਹੈ ਅਤੇ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦੇ ਬਹਾਦਰੀ ਭਰੇ ਕਾਰਨਾਮਿਆਂ ਨਾਲ ਇਤਿਹਾਸ ਭਰਿਆ ਪਿਆ। ਸਿੱਖ ਮਿਸਲਾਂ ਦੇ ਦੌਰ ਵਿੱਚ ਜੱਸਾ ਸਿੰਘ ਰਾਮਗੜ੍ਹੀਆ ਦੀ ਅਗਵਾਈ ਵਿੱਚ ਰਾਮਗੜ੍ਹੀਆ ਮਿਸਲ ਸਭ ਤੋਂ ਤਾਕਤਵਰ ਮਿਸ਼ਲਾਂ ਵਿਚੋਂ ਇੱਕ ਸੀ। ਰਾਮਗੜ੍ਹੀਆ ਮਿਸਲ ਦੀ ਰਾਜਧਾਨੀ ਇਤਿਹਾਸਕ ਸ਼ਹਿਰ ਸ੍ਰੀ ਹਰਗੋਬਿੰਦਪੁਰ ਸੀ। ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਨੇ ਸ੍ਰੀ ਹਰਗੋਬਿੰਦਪੁਰ ਤੋਂ ਬਹੁਤ ਵੱਡੇ ਖੇਤਰ ਉੱਪਰ ਆਪਣਾ ਰਾਜ ਕੀਤਾ ਅਤੇ ਸੰਨ 1803 ਵਿੱਚ ਉਨ੍ਹਾਂ ਦਾ ਅਕਾਲ ਚਲਾਣਾ ਵੀ ਸ੍ਰੀ ਹਰਗੋਬਿੰਦਪੁਰ ਵਿਖੇ ਹੀ ਹੋਇਆ।ਸ੍ਰੀ ਹਰਗੋਬਿੰਦਪੁਰ ਵਿਖੇ ਰਾਮਗੜ੍ਹੀਆ ਮਿਸਲ ਦੀ ਰਾਜਧਾਨੀ ਹੋਣ ਕਰਕੇ ਇਥੇ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦਾ ਸ਼ਾਹੀ ਮਹੱਲ ਵੀ ਸੀ।

ਮਹਾਰਾਜਾ ਜੱਸਾ ਸਿੰਘ ਤੋਂ ਬਾਅਦ ਉਨ੍ਹਾਂ ਦਾ ਵਾਰਸ ਯੋਧ ਸਿੰਘ ਵੀ ਇਸ ਮਹੱਲ ਵਿੱਚ ਰਹਿੰਦਾ ਰਿਹਾ। ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਅਤੇ ਜੋਧ ਸਿੰਘ ਰਾਮਗੜ੍ਹੀਆ ਦੇ ਚਲਾਣੇ ਤੋਂ ਬਾਅਦ ਸਿੱਖ ਪੰਥ ਇਨ੍ਹਾਂ ਮਹਾਨ ਯੋਧਿਆਂ ਦੀਆਂ ਯਾਦਗਾਰਾਂ ਨੂੰ ਭੁੱਲ ਹੀ ਗਿਆ। ਸਭ ਤੋਂ ਮਾੜਾ ਹਾਲ ਸ੍ਰੀ ਹਰਗੋਬਿੰਦਪੁਰ ਸਥਿਤ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਏ ਦੇ ਮਹੱਲ ਦਾ ਹੋਇਆ ਹੈ। ਇਸ ਸਮੇਂ ਇਹ ਮਹੱਲ ਪੂਰੀ ਤਰਾਂ ਢਾਹ ਦਿੱਤਾ ਗਿਆ ਹੈ ਅਤੇ ਇਥੇ ਸਿਵਾਏ ਹੁਣ ਇੱਟਾਂ ਅਤੇ ਮਲਬੇ ਤੋਂ ਹੋਰ ਕੁਝ ਨਹੀਂ ਮਿਲਦਾ।

ਅੱਜ ਸ੍ਰੀ ਹਰਗੋਬਿੰਦਪੁਰ ਵਿਖੇ ਪਹੁੰਚ ਕੇ ਕੌਮ ਦੇ ਮਹਾਨ ਮਹਾਰਾਜੇ ਦਾ ਮਹੱਲ ਦੇਖਿਆ ਤਾਂ ਮਨ ਬਹੁਤ ਉਦਾਸ ਹੋਇਆ। ਰਾਮਗੜ੍ਹੀਆ ਸਿੱਖ ਹੈਰੀਟੇਜ਼ ਸੁਸਾਇਟੀ ਨਾਮ ਦੀ ਟਰੱਸਟ ਜਿਸਨੇ ਕੁਝ ਸਾਲ ਪਹਿਲਾਂ ਇਸ ਮਹੱਲ ਨੂੰ ਸੰਭਾਲਣ ਦੀ ਜਿੰਮੇਵਾਰੀ ਲਈ ਸੀ ਉਸ ਵਲੋਂ ਹੀ ਇਸ ਮਹੱਲ ਦਾ ਅਜਿਹਾ ਮਲੀਆਮੇਟ ਕੀਤਾ ਗਿਆ ਹੈ ਕਿ ਦੇਖ ਕੇ ਮਨ ਕੁਰਲਾ ਉੱਠਦਾ ਹੈ।ਕਰੀਬ 10 ਕੁ ਸਾਲ ਪਹਿਲਾਂ ਜਦੋਂ ਰਾਮਗੜ੍ਹੀਆ ਟਰੱਸਟ ਨੇ ਮਹਾਰਾਜਾ ਜੱਸਾ ਸਿੰਘ ਦੇ ਮਹੱਲ ਨੂੰ ਸੰਭਾਲਣ ਦੀ ਸੇਵਾ ਲਈ ਸੀ ਤਾਂ ਉਨ੍ਹਾਂ ਵਲੋਂ ਇਥੇ ਇੱਕ ਪ੍ਰੋਗਰਾਮ ਕੀਤਾ ਗਿਆ ਸੀ। ਇਸ ਪ੍ਰੋਗਰਾਮ ਵਿੱਚ ਉਸ ਸਮੇਂ ਦੇ ਕੇਂਦਰੀ ਰਾਜ ਮੰਤਰੀ ਵਿਜੇ ਸਾਂਪਲਾ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਸਨ। ਮੀਡੀਆ ਵਿੱਚ ਹੋਣ ਕਾਰਨ ਮੈਂ ਵੀ ਉਸ ਪ੍ਰੋਗਰਾਮ ਦੀ ਕਵਰੇਜ਼ ਲਈ ਓਥੇ ਪਹੁੰਚਿਆ ਸੀ।

ਉਸ ਸਮੇਂ ਮਹੱਲ ਦੀ ਦੋ ਮੰਜਿਲਾ ਡਿਊਢੀ ਸੀ ਅਤੇ ਮਹੱਲ ਦੇ ਅੰਦਰ ਕਈ ਕਮਰੇ ਵੀ ਚੰਗੀ ਹਾਲਤ ਵਿੱਚ ਸਨ। ਮਹੱਲ ਦੇ ਅੰਦਰ ਖੁੱਲਾ ਵਿਹੜਾ ਸੀ ਅਤੇ ਪਿੱਛੇ ਛੱਤਾਂ ਤੋਂ ਬਿਨ੍ਹਾਂ ਸਿਰਫ ਕਮਰਿਆਂ ਦੀ ਕੰਧਾਂ ਸਨ।ਟਰੱਸਟ ਵਲੋਂ ਮਹੱਲ ਦੀ ਸੰਭਾਲ ਦੇ ਨਾਮ ’ਤੇ ਪਿਛਲੇ ਹਿੱਸੇ ਦੀ ਕੰਧਾਂ ਢਾਹ ਕੇ ਓਥੇ ਇੱਕ ਵੱਡਾ ਸਾਰਾ ਹਾਲ ਬਣਾ ਦਿੱਤਾ ਗਿਆ ਹੈ ਅਤੇ ਸਾਹਮਣੇ ਵਾਲੀ ਡਿਊਢੀ ਦੀ ਉਪਰੀ ਮੰਜ਼ਿਲ ਨੂੰ ਪੂਰੀ ਤਰਾਂ ਢਾਹ ਦਿੱਤਾ ਹੈ। ਮਹੱਲ ਅੰਦਰ ਦਾਖਲ ਹੁੰਦਿਆਂ ਹੀ ਜੋ ਵੱਖ-ਵੱਖ ਕਮਰੇ ਸਨ ਉਨ੍ਹਾਂ ਦਾ ਵੀ ਬਹੁਤ ਬੁਰੀ ਤਰਾਂ ਨੁਕਸਾਨ ਕੀਤਾ ਹੈ ਅਤੇ ਉਹ ਕਮਰੇ ਵੀ ਹੁਣ ਢਹਿ ਚੁੱਕੇ ਹਨ। ਟਰੱਸਟ ਵਾਲੇ ਕਹਿੰਦੇ ਹਨ ਸਾਰੇ ਮਹੱਲ ਨੂੰ ਢਾਹ ਕੇ ਦੁਬਾਰਾ ਬਣਾਇਆ ਜਾਵੇ। ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਜੇ ਢਾਹ ਕੇ ਹੀ ਦੁਬਾਰਾ ਬਣਾਉਣਾ ਸੀ ਫਿਰ ਸੰਭਾਲ ਕਾਹਦੀ ਹੋਈ ਭਲਾ? ਚਾਹੀਦਾ ਤਾਂ ਇਹ ਸੀ ਕਿ ਮਹੱਲ ਦੀ ਓਸੇ ਦਿੱਖ ਨੂੰ ਕਾਇਮ ਰੱਖ ਦਿਆਂ ਉਸਦੀ ਮੁਰੰਮਤ ਕੀਤੀ ਜਾਂਦੀ। ਮੈਂ ਅੱਖੀਂ ਦੇਖਿਆ ਹੋਇਆ ਹੈ ਕਿ ਇਸ ਮਹੱਲ ਦੀ ਬਿਨ੍ਹਾਂ ਢਾਹੇ ਬੜੀ ਅਸਾਨੀ ਨਾਲ ਮੁਰੰਮਤ ਕੀਤੀ ਜਾ ਸਕਦੀ ਸੀ, ਜੋ ਕਿ ਟਰੱਸਟ ਨੇ ਨਹੀਂ ਕੀਤੀ।

ਰਹਿੰਦੀ ਕਸਰ ਇਸ ਮਹੱਲ ਦੇ ਨਾਲ ਬਣ ਰਹੀ ਇੱਕ ਵੱਡੀ ਕੋਠੀ ਦੇ ਮਾਲਕ ਨੇ ਪੂਰੀ ਕਰ ਦਿੱਤੀ ਹੈ। ਕੋਠੀ ਦੇ ਮਾਲਕ ਨੇ ਟਰੱਸਟ ਵਾਲਿਆਂ ਨਾਲ ਰਲ ਕੇ ਮਹੱਲ ਦੀ ਇੱਕ ਪਾਸੇ ਦੀ ਕੰਧ ਢਾਹ ਕੇ ਆਪਣੀ ਕੋਠੀ ਦਾ ਥਾਂ ਵਧਾ ਲਿਆ ਗਿਆ ਹੈ। ਕੋਠੀ ਬਣਾਉਣ ਵਾਲੇ ਲਾਲੇ ਦਾ ਕਹਿਣਾ ਹੈ ਕਿ ਮਹੱਲ ਦੀ ਇਹ ਕੰਧ ਸਾਂਝੀ ਸੀ, ਸੋ ਉਸਨੇ ਕੰਧ ਢਾਹ ਕੇ ਆਪਣੇ ਹਿੱਸੇ ਵਾਲੇ ਥਾਂ ਉੱਪਰ ਕੰਧ ਕਰ ਲਈ ਹੈ ਅਤੇ 9 ਇੰਚ ਜਗ੍ਹਾ ਮਹੱਲ ਦੀ ਕੰਧ ਲਈ ਛੱਡ ਦਿੱਤੀ ਹੈ। ਬੰਦਾ ਪੁੱਛੇ ਕਿ ਮਹਾਰਾਜੇ ਆਪਣੀ ਕੰਧ ਕਿਸੇ ਗੁਆਂਢੀ ਨਾਲ ਸਾਂਝੀ ਬਣਾਉਂਦੇ ਸਨ? ਸਥਾਨਕ ਲੋਕ ਤਾਂ ਇਹ ਵੀ ਦੱਸਦੇ ਹਨ ਕਿ ਮਹੱਲ ਦਾ ਕਾਫੀ ਸਾਰਾ ਹਿੱਸਾ ਕੋਠੀ ਵਾਲੇ ਦੇ ਕਬਜ਼ੇ ਵਿੱਚ ਸੀ, ਜਿਥੇ ਉਸ ਨੇ ਕੋਠੀ ਬਣਾ ਲਈ ਹੈ। ਇਹ ਵੀ ਪੜਤਾਲ ਦਾ ਵਿਸ਼ਾ ਹੈ।ਜੋ ਵੀ ਹੈ ਪਿਛਲੇ 10 ਕੁ ਸਾਲਾਂ ਵਿੱਚ ਇਸ ਮਹੱਲ ਨੂੰ ਸੰਭਾਲਣ ਦੇ ਨਾਮ ਉੱਪਰ ਪੂਰੀ ਤਰਾਂ ਢਾਹ ਦਿੱਤਾ ਗਿਆ ਹੈ। ਇਸ ਮਹੱਲ ਦੀ ਮੌਜੂਦਾ ਹਾਲਤ ਤਸਵੀਰਾਂ ਰਾਹੀਂ ਸਾਫ ਦੇਖੀ ਜਾ ਸਕਦੀ ਹੈ। ਅੰਤਰਰਾਸ਼ਟਰੀ ਪੱਧਰ ਦੀ ਇਹ ਸੰਸਥਾ ਜੋ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦੇ ਮਹੱਲ ਨੂੰ ਸੰਭਾਲਣ ਲਈ ਅੱਗੇ ਆਈ ਸੀ, ਉਨ੍ਹਾਂ ਵਲੋਂ ਕੌਮ ਦੀ ਇਸ ਵਿਰਾਸਤ ਨੂੰ ਸਾਂਭਣ ਦੀ ਬਜਾਏ ਇਸਨੂੰ ਤਬਾਹ ਕਰ ਦਿੱਤਾ ਹੈ। ਆਖਰ ਕੌਮ ਦੀ ਇਸ ਵਿਰਾਸਤ ਨੂੰ ਟਰੱਸਟ ਦੇ ਹਵਾਲੇ ਕਿਸਨੇ ਕੀਤਾ ਅਤੇ ਉਨ੍ਹਾਂ ਕੋਲ ਕੀ ਅਧਿਕਾਰ ਸੀ ਇਸ ਵਿਰਾਸਤ ਨਾਲ ਛੇੜ-ਛਾੜ ਕਰਨ ਦੀ ਇਹ ਸਾਰਾ ਜਾਂਚ ਦਾ ਵਿਸ਼ਾ ਹੈ।ਇਸ ਸਾਲ ਫਰਵਰੀ ਮਹੀਨੇ ਮਹੱਲ ਦੀ ਸਾਹਮਣੇ ਵਾਲੀ ਮੰਜ਼ਿਲ ਨੂੰ ਢਾਹਿਆ ਗਿਆ ਹੈ।

ਇਸੇ ਦੌਰਾਨ ਹੀ ਕੋਠੀ ਵਾਲੇ ਮਹੱਲ ਦੀ ਇੱਕ ਪਾਸੇ ਦੀ ਸਾਰੀ ਕੰਧ ਢਾਹ ਦਿੱਤੀ ਹੈ। ਪਰ ਹੈਰਾਨੀ ਦੀ ਗੱਲ ਹੈ ਕਿ ਸ੍ਰੀ ਹਰਗੋਬਿੰਦਪੁਰ ਦੇ ਇੱਕ ਵੀ ਵਸਨੀਕ ਨੇ ਇਸ ਖਿਲਾਫ ਆਪਣੀ ਅਵਾਜ਼ ਬੁਲੰਦ ਨਹੀਂ ਕੀਤੀ। ਸਾਡੀ ਕੌਮ ਦੇ ਦਰਦੀਆਂ ਨੂੰ ਬੇਨਤੀ ਹੈ ਕਿ ਇਸ ਪਾਸੇ ਜਰੂਰ ਧਿਆਨ ਦਿੱਤਾ ਜਾਵੇ ਅਤੇ ਜੋ ਕੁਝ ਵੀ ਬਚ ਗਿਆ ਹੈ ਘੱਟੋ-ਘੱਟ ਉਸਨੂੰ ਹੀ ਸੰਭਾਲ ਲਿਆ ਜਾਵੇ।ਦਿੱਲੀ ਫ਼ਤਹਿ ਕਰਨ ਵਾਲੇ ਸੂਰਮੇ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਦੇ ਮਹੱਲ ਦਾ ਇਹ ਹਸ਼ਰ ਹੋਵੇਗਾ ਕਿਸੇ ਸੋਚਿਆ ਨਹੀਂ ਹੋਣਾ। ਇਤਿਹਾਸ ਵਿੱਚ ਤਾਂ ਮਹਾਰਾਜਾ ਜੱਸਾ ਸਿੰਘ ਰਾਮਗੜ੍ਹੀਆ ਭਾਂਵੇ ਆਪਣੀ ਸੂਰਮਗਤੀ ਕਾਰਨ ਹਮੇਸ਼ਾਂ ਚਮਕਦਾ ਰਹੇਗਾ ਪਰ ਸ੍ਰੀ ਹਰਗੋਬਿੰਦਪੁਰ ਵਿੱਚ ਉਸਦਾ ਸ਼ਾਹੀ ਮਹੱਲ ਢਾਹ ਕੇ ਜਰੂਰ ਉਸਨੂੰ ਮਨਫੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਸ ਸਾਰੇ ਵਰਤਾਰੇ ਉੱਪਰ ਬੇਹੱਦ ਅਫਸੋਸ ਹੈ।

 

 

 

 

 

 

 

 

 

 

 

bulandhadmin

Read Previous

ਨਹੀਂ ਲਾਉਣੇ ਪੈਣਗੇ ਥਾਣਿਆਂ ਦੇ ਚੱਕਰ, ਪਾਸਪੋਰਟ ਵੈਰੀਫਿਕੇਸ਼ਨ ਸਮੇਤ ਸੇਵਾ ਕੇਂਦਰਾਂ ਚ’ ਹੀ ਹੋਣਗੇ ਸਾਰੇ ਕੰਮ

Read Next

ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਬਾਹਰ ਮ੍ਰਿਤਕ ਹਰਪ੍ਰੀਤ ਦੇ ਵਾਰਸਾਂ ਨੇ ਲਗਾਇਆ ਧਰਨਾ ਪੁਲਿਸ ਅਧਿਕਾਰੀਆ ਦੇ ਵਿਸ਼ਵਾਸ ਤੋ ਬਾਅਦ ਚੁੱਕਿਆ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

t="945098162234950" />
error: Content is protected !!