ਸਿੰਚਾਈ ਵਿਭਾਗ ਵਿੱਚ 38 ਸਾਲ ਸੇਵਾ ਕਰਨ ਉਪਰੰਤ ਸੇਵਾ ਮੁਕਤ ਹੋਏ ਸੁਪਰਡੈਂਟ ਨਿਰਮਲ ਸਿੰਘ ਅਨੰਦ
- Advertisement -
ਅਮ੍ਰਿੰਤਸਰ ਇਰੀਗੇਸਨ ਇੰਪਲਾਈਜ਼ ਫੈਡਰੇਸ਼ਨ ਦੇ ਪ੍ਰਧਾਨ ਨਿਰਮਲ ਸਿੰਘ ਅਨੰਦ ਅਜ ਆਪਣੀ 58 ਸਾਲ ਦੀ ਉਮਰ ਪੂਰੀ ਕਰਕੇ ਜਲ ਸਰੋਤ ਵਿਭਾਗ ਅਮ੍ਰਿੰਤਸਰ ਦੇ ਸਰਕਲ ਸੁਪਰਡੈਂਟ ਦੇ ਅਹੁਦੇ ਤੋਂ ਸੇਵਾ ਮੁਕਤ ਹੋ ਗਏ ਹਨ।ਉਹਨਾਂ ਕਲਰਕ ਤੋਂ ਲੈ ਕੇ ਸਰਕਲ ਸੁਪਰਡੈਂਟ ਤਕ ਤਕਰੀਬਨ 38 ਸਾਲ ਮਹਿਕਮੇ ਵਿੱਚ ਬੇਦਾਗ,ਇਮਾਨਦਾਰੀ,ਲਗਨ ਤੇ ਮਿਹਨਤ ਨਾਲ ਸਰਕਾਰੀ ਸੇਵਾ ਨਿਭਾਈ। ਉਨ੍ਹਾਂ ਨੇ ਸਿੰਚਾਈ ਵਿਭਾਗ ਵਿਚ ਮੁਲਾਜਮਾਂ ਨੂੰ ਦਰਪੇਸ਼ ਮੁਸਕਲਾ ਨੂੰ ਹਲ ਕਰਨ ਦਾ ਬੀੜਾ ਚੁੱਕਿਆ। ਉਹ 12 ਸਾਲ ਕਲੈਰੀਕਲ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ,2 ਸਾਲ ਚੇਅਰਮੈਨ ਅਤੇ 5 ਸਾਲ ਫੈਡਰੇਸ਼ਨ ਦੇ ਪ੍ਰਧਾਨ ਰਹੇ। ਅਜ ਸੇਵਾ ਮੁਕਤੀ ਤੇ ਉਹਨਾਂ ਦੇ ਦਫਤਰ ਵਿਖੇ ਵਿਭਾਗ ਦੇ ਸਮੂੰਹ ਸਟਾਫ ਅਤੇ ,ਵਖ ਵਖ ਮੁਲਾਜਮ ਜਥੇਬੰਦੀਆਂ ਦੇ ਆਗੂਆਂ ਨੇ ਸੁਪਰਡੈਂਟ ਨਿਰਮਲ ਸਿੰਘ ਅਨੰਦ ਵੱਲੋ ਕੀਤੀਆਂ ਲਾਮਿਸਾਲ ਸੇਵਾਵਾਂ ਸੰਬੰਧੀ ਉਹਨਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਅਤੇ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ।
