ਆਗਾਮੀ ਵਿਧਾਨ ਸਭਾ ਚੋਣਾਂ ਦੇ ਸਬੰਧ ਵਿੱਚ ਕੀਤਾ ਗਿਆ ਵਿਚਾਰ ਵਟਾਂਦਰਾ
ਅੰਮ੍ਰਿਤਸਰ, 17 ਅਕਤੂਬਰ (ਬੁਲੰਦ ਆਵਾਜ ਬਿਊਰੋ) – ਸਾਬਕਾ IG ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਦੇ ਗ੍ਰਹਿ ਵਿਖੇ ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਨੇਤਾ ਅਤੇ ਦਿੱਲੀ ਦੇ ਉਪ-ਮੁੱਖਮੰਤਰੀ ਮੁਨੀਸ਼ ਸ਼ੀਸ਼ੋਦਿਆ, ਪੰਜਾਬ ਦੇ ਵਿਰੋਧੀ ਧਿਰ ਨੇਤਾ ਸ.ਹਰਪਾਲ ਸਿੰਘ ਚੀਮਾ, ਸੁੱਬਾ ਜਨਰਲ ਸਕੱਤਰ ਸ.ਹਰਚੰਦ ਸਿੰਘ ਬਰਸਟ, ਅਤੇ ਦਿੱਲੀ ਵਿਧਾਨਸਭਾ ਅੰਬੇਦਕਰ ਨਗਰ ਤੋਂ MLA ਸ਼੍ਰੀ ਅਜੈ ਦੱਤ ਜੀ ਪਹੁੰਚੇ,ਅਤੇ ਕੁੰਵਰ ਜੀ ਵਲੋਂ ਨਿੱਘਾ ਸਵਾਗਤ ਕੀਤਾ ਗਿਆ,ਇਸ ਮੌਕੇ ਸ਼੍ਰੀ ਮੁਨੀਸ਼ ਸ਼ੀਸ਼ੋਦਿਆ ਜੀ ਕੁੰਵਰ ਜੀ ਦੇ ਪਰਿਵਾਰ ਨਾਲ ਮਿਲੇ, ਅਤੇ ਵੱਡੀ ਸੰਖਿਆ ਵਿੱਚ ਮੌਜੂਦ ਆਗੂਆਂ ਅਤੇ ਵਲੰਟੀਅਰਾਂ ਨਾਲ ਮਿਲੇ, ਅਤੇ ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਵਲੋਂ ਕੀਤੇ ਗਏ ਕੰਮਾਂ ਦੀ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਦੇ ਪਾਰਟੀ ਵਿੱਚ ਆਉਣ ਨਾਲ ਪਾਰਟੀ ਨੂੰ ਬਹੁਤ ਬੱਲ ਮਿਲਿਆ ਹੈ ਅਤੇ ਵਲੰਟੀਅਰਾਂ ਦਾ ਮਨੋਬਲ ਵਧਿਆ ਹੈ ਅਤੇ ਪਾਰਟੀ ਦਾ ਵਲੰਟੀਅਰ ਪਹਿਲਾਂ ਨਾਲੋਂ ਵੱਧ ਮਜ਼ਬੂਤ ਹੋਇਆ ਹੈ,ਕਿਉਂਕਿ ਇਕ ਇਮਾਨਦਾਰ ਅਤੇ ਸਾਫ ਸੁਥਰੀ ਸ਼ਖਸ਼ੀਅਤ ਵਜੋਂ ਕੁੰਵਰ ਜੀ ਨੂੰ ਸਾਰੇ ਪੰਜਾਬ ਵਿੱਚ ਜਾਣਿਆ ਜਾਂਦਾ ਹੈ।
ਕੁੰਵਰ ਵਿਜੈ ਪ੍ਰਤਾਪ ਸਿੰਘ ਜੀ ਦੇ ਕਰਕੇ ਪਾਰਟੀ ਸਿਰਫ਼ ਮਾਝੇ ਵਿੱਚ ਹੀ ਨਹੀਂ ਸਗੋਂ ਪੂਰੇ ਪੰਜਾਬ ਵਿੱਚ ਤਗੜੀ ਹੋਈ ਹੈ,ਉਹਨਾਂ ਪਾਰਟੀ ਦੀ ਮਜ਼ਬੂਤੀ ਲਈ ਪਾਰਟੀ ਵਰਕਰਾਂ ਨੂੰ ਹੱਲਾਸ਼ੇਰੀ ਦਿੱਤੀ, ਅਤੇ ਕੁੰਵਰ ਜੀ ਨਾਲ 2022 ਦੀਆਂ ਪਾਰਟੀ ਵਲੋਂ ਉਲੀਕੀਆਂ ਗਈਆਂ ਅਗਾਂਹਵਧੂ ਨੀਤੀਆਂ ਉੱਤੇ ਵਿਚਾਰ ਵਟਾਂਦਰਾ ਕੀਤੀ, ਇਸ ਮੌਕੇ ਜਿਲ੍ਹਾ ਪ੍ਰਧਾਨ ਸ਼ਹਿਰੀ ਮੈਡਮ ਜੀਵਨ ਜੋਤ ਕੌਰ, ਲੋਕ ਸਭਾ ਇੰਚਾਰਜ ਜਿਲ੍ਹਾ ਅੰਮ੍ਰਿਤਸਰ ਸ. ਇਕ਼ਬਾਲ ਸਿੰਘ ਭੁੱਲਰ, ਲੋਕ ਸਭਾ ਇੰਚਾਰਜ ਖਡੂਰ ਸਾਹਿਬ ਸ. ਬਲਜੀਤ ਸਿੰਘ ਖਹਿਰਾ, ਜਿਲ੍ਹਾ ਪ੍ਰਧਾਨ ਦਿਹਾਤੀ ਸ. ਹਰਵੰਤ ਸਿੰਘ ਉਮਰਾਨੰਗਲ, ਜਿਲ੍ਹਾ ਸਕੱਤਰ ਸ.ਪ੍ਰਭਬੀਰ ਸਿੰਘ ਬਰਾੜ, ਸਾਬਕਾ ਦਿਹਾਤੀ ਪ੍ਰਧਾਨ ਸ਼੍ਰੀ ਨਰੇਸ਼ ਪਾਠਕ ਜੀ, ਆਰਵਿੰਦਰ ਭੱਟੀ, ਮੀਡੀਆ ਇੰਚਾਰਜ (ਮਾਝਾ ਜੋਨ) ਗੁਰਭੇਜ ਸਿੰਘ ਸੰਧੂ, ਸਾਬਕਾ ADC ਸ਼੍ਰੀ ਰਾਕੇਸ਼ ਕੁਮਾਰ,ਸ.ਗੁਲਜ਼ਾਰ ਸਿੰਘ ਬਿੱਟੂ, ਸ਼੍ਰੀ ਰਾਜੀਵ ਖਹਿਰਾ,ਸੁੱਬਾ ਯੂਥ ਸਕੱਤਰ ਜਗਜੀਤ ਸਿੰਘ ਜੰਕੀ,ਯੂਥ ਜਿਲ੍ਹਾ ਸਕੱਤਰ ਦੀਕਸ਼ਿਤ ਧਵਨ, ਸ਼੍ਰੀ ਰਾਜਿੰਦਰ ਪਲਾਹ, ਸ.ਸਤਪਾਲ ਸਿੰਘ ਸੌਖੀ, ਸ਼੍ਰੀ hs ਵਾਲਿਆ, ਵਿਜੈ ਕੁਮਾਰ, ਹਰਪਾਲ ਭਾਲਾ, ਹੰਸ, ਸੂਰਜ, ਜਿਲ੍ਹਾ ਮੀਡਿਆ ਇੰਚਾਰਜ ਵਿਕਰਮਜੀਤ ਵਿੱਕੀ ਅਤੇ ਹੋਰਨਾਂ ਅਨੇਕਾਂ ਸਤਿਕਾਰਯੋਗ ਸਾਥੀ ਮੌਜੁਦ ਸਨ।ਇਸ ਮੌਕੇ ਪਾਰਟੀ ਦੇ ਆਗੂਆਂ ਅਤੇ ਵਲੰਟੀਅਰਾਂ ਵਿੱਚ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲਿਆ।