ਭਾਰਤ ਸਰਕਾਰ ਵੱਲੋਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਖੋਜਾਰਥੀ ਨੂੰ ਸਵੱਛ ਸਾਰਥੀ ਫੈਲੋਸ਼ਿਪ ਪ੍ਰਦਾਨ

48

ਅੰਮ੍ਰਿਤਸਰ, 7 ਜੁਲਾਈ (ਗਗਨ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਲਈ ਮਾਣਮਤੀ ਗੱਲ ਹੈ ਕਿ ਯੂਨੀਵਰਸਿਟੀ ਦੇ ਖੋਜਾਰਥੀ ਸ਼ੋਬਮ ਇੰਦਰਕੁਮਾਰ ਸਿੰਘ ਜੋ ਕਿ ਯੂਨੀਵਰਸਿਟੀ ਬੋਟਾਨੀਕਲ ਇਨਵਾਇਰਨਮੈਂਟਲ ਸਾਇੰਸਜ਼ ਵਿਭਾਗ ਦੇ ਪ੍ਰੋਫੈਸਰ ਡਾ. ਆਦਰਸ਼ਪਾਲ ਵਿਗ ਦੇ ਦਿਸ਼ਾ ਨਿਰਦੇਸ਼ ਹੇਠ ਪੀ.ਐਚ.ਡੀ. ਕਰ ਰਹੇ ਹਨ, ਨੂੰ ਸਵਛ ਸਾਰਥੀ ਫੈਲੋਸ਼ਿਪ (ਐਸਐਸਐਫ, 2021) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਨ੍ਹਾਂ ਦੀ ਇਹ ਚੋਣ ਭਾਰਤ ਸਰਕਾਰ ਦੇ ਪ੍ਰਿੰਸੀਪਲ ਸਾਇੰਟੇਫਿਕ ਐਡਵਾਈਜ਼ਰ ਆਫਿਸ ਦੀ ਗਠਿਤ ਕਮੇਟੀ ਵੱਲੋਂ ਵਰਮੀ ਟੈਕਨਾਲੋਜੀ ਦੇ ਆਧਾਰ `ਤੇ ਵੇਸਟ ਮੈਨੇਜਮੈਂਟ `ਤੇ ਕੀਤੇ ਖੋਜ ਕਾਰਜ ਸਦਕਾ ਕੀਤੀ ਗਈ ਹੈ।

Italian Trulli

ਇਹ ਫੈਲੋਸ਼ਿਪ ਸਫਾਈ ਕਰਮਚਾਰੀਆਂ, ਵੇਸਟ ਮੈਨੇਜਮੈਂਟ, ਵੇਸਟ ਸਰਵੇ, ਪੜ੍ਹਾਈ ਅਤੇ ਰਹਿੰਦ-ਖੂੰਹਦ ਪ੍ਰਬੰਧਨ ਨਾਲ ਜੁੜੇ ਨੌਜੁਆਨਾਂ ਖੋਜਾਰਥੀਆਂ ਨੂੰ ਪ੍ਰੇਰਿਤ ਕਰਨ ਲਈ ਪ੍ਰਦਾਨ ਕੀਤੀ ਜਾਂਦੀ ਹੈ ਜੋ ਕਿ ਮਾਨਯੋਗ ਪ੍ਰਧਾਨ ਮੰਤਰੀ ਵੱਲੋਂ ਨੌਵੇਂ ਨੈਸ਼ਨਲ ਮਿਸ਼ਨ `ਵੇਸਟ ਟੂ ਵੈਲਥ` ਮਿਸ਼ਨ ਦਾ ਹਿੱਸਾ ਹੈ। ਉਨ੍ਹਾਂ ਦੇ ਸੁਪਰਵਾਈਜ਼ ਅਤੇ ਵਿਭਾਗ ਦੇ ਮੁਖੀ, ਡਾ. ਆਦਰਸ਼ਨ ਪਾਲ ਵਿਗ, ਡਾ. ਜਤਿੰਦਰ ਕੌਰ ਅਤੇ ਹੋਰ ਫੈਕਲਟੀ ਮੈਂਬਰਾਂ ਅਤੇ ਖੋਜਾਰਥੀਆਂ ਵਿਦਿਆਥੀਆਂ ਨੇ ਸ਼੍ਰੀ ਸ਼ੌਬਮ ਨੂੰ ਉਨ੍ਹਾਂ ਦੀ ਇਸ ਕਾਮਯਾਬੀ `ਤੇ ਵਧਾਈ ਦਿੱਤੀ ਅਤੇ ਆਸ ਪ੍ਰਗਟਾਈ ਕਿ ਇਨ੍ਹਾਂ ਵੱਲੋਂ ਕੀਤੀ ਖੋਜ ਸਦਕਾ ਰਹਿੰਦ ਖੂੰਹਦ ਪ੍ਰਬੰਧਨ, ਸਨਅਤੀ ਕੂੜੇ ਦੀ ਸਾਂਭ ਸੰਭਾਲ ਲਈ ਢੁਕਵੇਂ ਸੁਝਾਅ ਦਿੱਤੇ ਜਾਣਗੇ ਅਤੇ ਚੌਗਿਰਦੇ ਨੂੰ ਸਾਫ ਸੁਥਰਾ ਰੱਖਣ ਵਿਚ ਸਹਾਈ ਹੋਵੇਗਾ।