ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਧਿਰ ਦੀ ਲੋਕਾਂ ਵਿਚ ਭਰੋਸੇਯੋਗਤਾ ਨਾ ਰਹੇ ਤਾਂ ਉਸ ਦਾ ਜਨਤਕ ਪਿੜ ਵਿਚ ਅਸਰ ਨਹੀਂ ਰਹਿੰਦਾ। ਦੂਜਾ, ਤੱਤ ਕਾਬਲੀਅਤ ਦਾ ਹੁੰਦਾ ਹੈ ਤੇ ਜੇਕਰ ਕਿਸੇ ਧਿਰ ਕੋਲ ਅਗਵਾਈ ਦੇਣ ਦੀ ਸਮਰੱਥਾ ਹੀ ਨਾ ਰਹੇ ਤਾਂ ਵੀ ਉਸ ਦਾ ਅਸਰ ਖਿੰਡਣ ਲੱਗ ਜਾਂਦਾ ਹੈ ਤੇ ਹੌਲੀ-ਹੌਲੀ ਮੁੱਕ ਜਾਂਦਾ। ਤੀਜਾ, ਜੇਕਰ ਕਿਸੇ ਭਰੋਸੇਯੋਗ ਤੇ ਕਾਬਲ ਧਿਰ ਦਾ ਵੀ ਅਸਰ ਘਟਦਾ ਜਾਏ ਤਾਂ ਮਾਮਲਾ ਪੈਂਤੜੇ ਦਾ ਹੁੰਦਾ ਹੈ ਕਿ ਉਸਦਾ ਪੈਂਤੜਾ ਸਮੇਂ ਮੁਤਾਬਕ ਢੁਕਵਾਂ ਨਹੀਂ ਹੁੰਦਾ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਸਮੇਂ ਵਿਚ ਜਿਵੇਂ ਸਿੱਖ ਧਿਰਾਂ ਨੂੰ ਇਕ ਤੋਂ ਬਾਅਦੀ ਨਾਕਾਮੀ ਝੱਲਣੀ ਪੈ ਰਹੀ ਹੈ ਇਸ ਦੇ ਮੱਦੇਨਜ਼ਰ ਸਾਨੂੰ ਆਪਣੇ ਬਾਰੇ ਇਹ ਤਿੰਨੇ ਗੱਲਾਂ ਹੀ ਵਿਚਾਰਨੀਆਂ ਚਾਹੀਦੀਆਂ ਹਨ।ਇਸ ਤੋਂ ਇਲਾਵਾ ਉਨ੍ਹਾਂ ਭਾਰਤੀ ਉਪਮਹਾਂਦੀਪ ਦੇ ਬਦਲੇ ਹੋਏ ਸਿਆਸੀ ਹਾਲਾਤ ਅਤੇ ਸਿੱਖਾਂ ਦੀ ਬਦਲੀ ਹੋਈ ਸਮਾਜਕ ਤੇ ਸੱਭਿਆਚਾਰਕ ਹਾਲਤ ਦਾ ਵੀ ਜ਼ਿਕਰ ਕੀਤਾ ਅਤੇ ਕਿਹਾ ਕਿ ਇਨ੍ਹਾਂ ਤਬਦੀਲੀਆਂ ਨੂੰ ਵੀ ਵਿਚਾਰਨਾ ਜਰੂਰੀ ਹੈ।