14.1 C
Punjab
Saturday, December 3, 2022

‘ਆਜ਼ਾਦ’ ਭਾਰਤ ਵਿੱਚ ਇੰਝ ਵੀ ਜਿਉਂਦੇ ਨੇ ਲੋਕ

Must read

ਉੱਤਰ ਪ੍ਰਦੇਸ਼ ਦੇ ਇਲਾਕੇ ਚਿਤ੍ਰਕੂਟ ਵਿੱਚ ਲੋਕ ਭਿਅੰਕਰ ਗ਼ਰੀਬੀ, ਭੁੱਖਮਰੀ ਤੇ ਬੁਨਿਆਦੀ ਸਹੂਲਤਾਂ ਦੀ ਅਣਹੋਂਦ ਤੋਂ ਪੀੜਤ ਹਨ| ਜ਼ਿਆਦਾਤਰ ਲੋਕ ਇੱਥੇ ਕਨੂੰਨੀ ਤੇ ਗ਼ੈਰ-ਕਨੂੰਨੀ ਦੋਹਾਂ ਤਰ੍ਹਾਂ ਦੀਆਂ ਖਾਣਾਂ ਵਿੱਚ ਕੰਮ ਕਰਕੇ ਘਰ ਦਾ ਤੋਰੀ ਫੁਲਕਾ ਚਲਾਉਂਦੇ ਨੇ| ਛੋਟੇ ਬੱਚੇ ਵੀ ਸਕੂਲ ਜਾਣ ਦੀ ਥਾਂ ਮਾਂ-ਪਿਓ ਨਾਲ਼ ਖਾਣਾਂ ਵਿੱਚ ਕੰਮ ਕਰਾਉਂਦੇ ਹਨ|

‘ਇੰਡੀਆ ਟੁਡੇ’ ਦੀ ਰਿਪੋਰਟ ਅਨੁਸਾਰ ਇੱਥੇ ਸਭ ਤੋਂ ਮਾੜੀ ਹਾਲਾਤ ਨਾਬਾਲਗ ਕੁੜੀਆਂ ਦੀ ਹੈ ਜਿਹਨਾਂ ਦੀ ਨਾ ਸਿਰਫ਼ ਆਰਥਿਕ ਲੁੱਟ ਸਗੋਂ ਸ਼ਰੀਰਕ ਸ਼ੋਸ਼ਣ ਵੀ ਹੁੰਦਾ ਹੈ| 12-12 ਸਾਲ ਦੀਆਂ ਕੁੜੀਆਂ ਜੋ ਖਾਣਾਂ ਵਿੱਚ ਕੰਮ ਕਰਦੀਆਂ ਹਨ ਓਹਨਾ ਨੂੰ ਉਜਰਤਾਂ ਮਿਲਣ ਦੀ ਸ਼ਰਤ ਹੀ ਇਹ ਹੈ ਕਿ ਉਹ ਮਾਲਕ/ਠੇਕੇਦਾਰ ਤੇ ਓਹਦੇ ਮਿੱਤਰਾਂ ਤੋਂ ਆਪਦਾ ਬਲਾਤਕਾਰ ਕਰਵਾਏ| ਬਿਨ੍ਹਾਂ ਇਸਦੇ ਇਹਨਾਂ ਕੁੜੀਆਂ ਨੂੰ ਤਨਖ਼ਾਹ ਹੀ ਨਹੀਂ ਦਿੱਤੀ ਜਾਂਦੀ| ਮਾਂ-ਬਾਪ ਕੋਲ਼ ਦੋ ਹੀ ਰਾਸਤੇ ਹਨ, ਇਹ ਸਭ ਜਾਣਦੇ ਹੋਏ ਕੁੜੀਆਂ ਨੂੰ ਕੰਮ ਉੱਤੇ ਭੇਜਣ ਜਾਂ ਭੁੱਖੇ ਮਰਨ|

ਹੁਣ ਕਰੋਨਾ ਦੇ ਨਾਮ ਉੱਤੇ ਜੜੀ ਪੂਰਨਬੰਦੀ ਕਰਕੇ ਖਾਣ ਮਾਲਕਾਂ ਦਾ ਪੱਲੜਾ ਹੋਰ ਵੀ ਭਾਰੀ ਹੋ ਗਿਆ ਹੈ ਤੇ ਓਹਨਾਂ ਨੇ ਲੋਕਾਂ ਦੀ ਮਜ਼ਬੂਰੀ ਦਾ ਫ਼ਾਇਦਾ ਚੁੱਕਦਿਆਂ 100-150 ਰੁਪਏ ਬਹਾਨੇ ਹੀ ਇਹਨਾਂ ਮਾਸੂਮਾਂ ਦੇ ਸ਼ਰੀਰ ਨੋਚਣੇ ਸ਼ੁਰੂ ਕਰ ਦਿੱਤੇ ਹਨ| ਇਹ ਹੈ ਭਾਰਤ ਦੀ ਧਰਤੀ ਉੱਤੇ ਪਿੰਡ-ਪਿੰਡ, ਸ਼ਹਿਰ-ਸ਼ਹਿਰ ਵਸਦਾ ਅਸਲ ਪਾਤਾਲ ਲੋਕ|

- Advertisement -spot_img

More articles

- Advertisement -spot_img

Latest article