ਅੰਮ੍ਰਿਤਸਰ ਦੇ ਪੁਲਿਸ ਸਟੇਸ਼ਨ ਡੀ-ਡਵੀਜ਼ਨ ਦੀ ਹਿਰਾਸਤ ‘ਚ ਬੰਦ ਨੌਜਵਾਨ ਨੇ ਕੀਤੀ ਖੁਦਕੁਸ਼ੀ

ਅੰਮ੍ਰਿਤਸਰ, 19 ਅਕਤੂਬਰ (ਗਗਨ) – ਅੰਮ੍ਰਿਤਸਰ ਦੇ ਪੁਲਿਸ ਸਟੇਸ਼ਨ ਡੀ-ਡਵੀਜ਼ਨ ਦੀ ਹਿਰਾਸਤ ਵਿੱਚ ਬੰਦ ਨੌਜਵਾਨ ਦਿਲਪ੍ਰੀਤ ਨੇ ਖੁਦਕੁਸ਼ੀ ਕਰ ਲਈ ਹੈ। ਉਸਨੇ ਹਵਾਲਾਤ ਦੇ ਗੇਟ ਨਾਲ ਲਟਕ ਕੇ ਆਤਮ ਹੱਤਿਆ ਕਰ ਲਈ ਹੈ। ਹਵਾਲਾਤ ਦੇ ਅੰਦਰ ਇੱਕ ਚਾਦਰ ਪਾੜ ਦਿੱਤੀ ਅਤੇ ਇਸ ਨੂੰ ਹਵਾਲਾਤ ਦੇ ਗੇਟ ਨਾਲ ਲਟਕਾ ਕੇ ਫਾਹਾ ਲੈ ਲਿਆ। ਨੌਜਵਾਨ ਨੇ ਖੁਦਕੁਸ਼ੀ ਤੋਂ ਪਹਿਲਾਂ ਕੁਝ ਲੋਕਾਂ ਦੇ ਨਾਮ ਲਾਕ-ਅਪ ਦੀਆਂ ਕੰਧਾਂ ਵਿੱਚ ਸਬਜ਼ੀਆਂ ਨਾਲ ਲਿਖੇ ਹਨ। ਜਾਣਕਾਰੀ ਅਨੁਸਾਰ ਉਸ ਦੀ ਪਤਨੀ ਨੇ ਵੀ ਕੁਝ ਸਮਾਂ ਪਹਿਲਾਂ ਖੁਦਕੁਸ਼ੀ ਕਰ ਲਈ ਸੀ, ਜਿਸ ਤੋਂ ਬਾਅਦ ਉਸਦੇ ਸਹੁਰਿਆਂ ਵੱਲੋਂ ਉਸਦੇ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਪੁਲਿਸ ਨੇ ਕੱਲ੍ਹ ਉਸਨੂੰ ਫੜ ਲਿਆ ਸੀ।